އަމިއްލަ ދަނޑުގައި މަނަދޫގެ މައްޗަށް ހަނިމާދޫއަށް ބޮޑު މޮޅެއް

 އަންނަ އަހަރު ދިވެހި ޕްރެމިއަރ ލީގުގައި ކުޅޭނެ ޓީމެއް ކަނޑައެޅުމަށް، ރާއްޖެ ހަތަރު ރީޖަނަކަށް ބަހާލައިގެން ކުރިއަށްދާ ރީޖަންސް ލީގުގެ ނޯތު ލީގުގައި ހދ. ހަނިމާދޫ އަދި ނ. މަނަދޫ ބައްދަލުކުރި މެޗު، 0-5 ގެ ނަތީޖާއިން ހަނިމާދޫ ކާމިޔާބުކޮށްފިއެވެ.

މެޗުގައި ހަނިމާދޫއިން ކާމިޔާބުކުރި 5 ގޯލުވެސް ފެނިގެންގޮސްފައިވަނީ މެޗުގެ ދެވަނަ ހާފުގައެވެ. ހަނިމާދޫގެ ފުރަތަމަ ދެ ގޯލު ކާމިޔާބުކޮށްފައި ވަނީ ދެވަނަ ހާފުގެ ފުރަތަމަ 20 މިނެޓުގެ ތެރޭގައެވެ. އެ ޓީމަށް މި ދެ ގޯލު ކާމިޔާބުކޮށްދީފައި ވަނީ، ސާލިމް މުޙައްމަދު، އަދި ދެވަނަ ހާފުގައި ބަދަލު ކުޅުންތެރިއެއްގެ ގޮތުގައި ކުޅެން ނުކުތް ނާޢިލް ޔޫސުފެވެ.